Сар мэлтийх тэр нэгэн шөнө
Чимээгүй мигшэх чимээн дунд
Би ганцаараа харанхуйд
Сэтгэл гэгэлзээд юутай гунигтайв
Үл ялиг шаналхаан аядаж
Ярих ч хүчгүй миний уйлалт
Эзгүйрхсэн турьхан энгэртээн
Өнчин шөнө би чамайг бүүвэйлэн гансарна

Яс минь хавталцаж байна
Сэтгэл санаа уймараад юу ч хийх хүсэлгүй байна
Цасаар шуурж буй мэт дотор минь хүйт оргиж
Цийлэгнэх нулимс минь хорсолтойгоор урсаж байна

Яс минь хавталцаж байна
Царай минь хувхай цайж
Хамаг бие минь чичирхийлж байна

Онгирох төрхийг тань харах тоолонд
Оюун ухаан минь шатаж байна
Дээдсийхэнд инээд алдаж
Доогуурхануудад хөмсгөөн зангидах чинь таалагдахгүй байна

Зэрэг дэвээрээ бардамнаж
Заавал зиндаархах учир тань юув?

Яс минь хавталцаж байна
Өмнө нь зовлон үзээгүй мэт
Өөдгүй авирлах чинь юув?
Өнгөрсөн цагийн сааралхан мөчүүдийг
Зүгээр та мартаж орхив уу?

Хэлсэн бүхнийг тань хийж
Хараал зүхлийг чинь сонссоор ирлээ би
Буруу бүхэндээ гэмшиж
Буцаагаад заларуулахыг хичээж ирсэн би
Хийгээгүй хэргийнхээ хэлмэгдэгч нь болж
Хэлгүй хүн шиг дуугүй явлаа би

Одоо боллоо би ханалаа
Түр зуур хэмээн өөрийгөө хуурж явлаа
Одоо болноо энэ хангалттай
Өрөвдөх тусам минь өөдөөс минь өшиглөж
Хайрлах тусам минь өөдөөс минь хайрсаар байна
Яс минь хавталцаж байна
Яргуй ургах тэр цагт би хэдийнээ явсан байхвий

Намар нь навчис шаргалтатгыг би мартаж
Ногооноороо дэндүү үзэсгэлэнтэйгээр нь санаж
Шувууд үүрээ нь орхин нисдэгийг би мартаж
Магад би өөрийн гэр шигээ санаа аж
Сэтгэл зүрх хязгаараа алдах цагт
Сэв хүртэл суудгийг би ер санасангүй
Цаг хугацаа урсан одохын цагт
Сая л би найз чамайгаан алдсанаа ухаарлаа 

Нүд гялбам цагаан цас

Ням гаригийн машингүй өдөр

Намуун дууны аяаз эгшиглэх

Нам тайван амралтын өдөр

Намайг гэх найз минь холдож

Нулимс минь цийлэгнэх

ганцаардалын өдөр

хонгор зүрхэндээ таныгаан санан

саарал цонхны дэргэд

санаа алдан бэтгэрэн суун

ай даа би чинь хэний хэнсэн билээ?

хэнээс заягдсан бүсгүй юм болдоо гэж

   хөөрхий гэнэн бодолдоон хөтлөгдөн

     хэсэг зуур шаналалдаан автна

Ээждээ гомдож бичсэн шүлэг

Намайг гэх хүмүүс энэ хорвоо дээр

өдрийн од шиг цөөхөн юмдаа

Намайг төрүүлсэн ижий минь

өглөөний шүүдэр шиг өчүүхэн юмдаа

Алган дээр тань бөмбрөхсөн

Ачийг тань мэдрэхсэн

Хүний энэхүү орчлонд мэндэлж

Хүй холбоотой байсны утга учир юсан билээ 

2013.02.02 нд бичив

Сүүлийнх 

сүүлийнх сүүлийнх гэж 

чихэнд минь шивнэ

сүүлийнх сүүлийнх гэж

нүдэнд рүү минь харан шивнэ

сүүлийнх үүрдийнх гэж

хацар дээр минь зөөлөн үнс

сүүлийнх үүрдийнх гэж

шорвог нулимс гартал минь

зүрхийг минь хүчтэй цохилтол

хагацах хайрыг минь шаттал минь

ганцхан зөвхөн энэхэн мөчид

сүүлийнх үүрдийнх гэж

хатсан уруул дээр минь үнс

(Э.д зориулав)