Шивээс

Бэхний дусал бүр арьсанд минь гүн орж

Чив чимээгүй миний дотор урсана

Чиний бие миний биед үүрд оршиж 

Үүрд чи миний гоёо бас чимэг байх болно

2018/06/01

Хараацай хүү

Хаанаас ч юм нэг газраас 

Хараацай хүү нисэн ирлээ

Хайр сэтгэлээ надад илчилж

Хамаг бүхнээ зориулдаг байлаа

Өдөр хоногууд өнгөрөх тусам

Өнгө зүсээ тэр алдсаар байлаа

Учрыг нь би ойлгоогүйч 

Үнэндээ надад хамаагүй байлаа

Өвлийн хүйтэн хаяанд ирэхэд

Хараацай хүү ирэхээ ч болилоо

Хаана байгааг нь сураглаад асуутал

Хөөрхий түүнийг хөлдсөн гэлээ

Хөлдсөн хараацай хүүг харахад

Харцнаас нь хайрыг олж харлаа

Төд удахгүй гэдгээ мэдсэн тэр 

Тагтаа шувуунд хэлсэн байлаа

Тагтаа шувуу надад

Хараацай шувуу богино настай

Хайрлахгүй бол зүрхэнд халтай

Зуны гуравхан сарын амьдралтай

Зүрхийг нь чи хөргөөчихчээ гэлээ

2018/05/31

 

Улаан дарсны нялуун амтыг

Чинийхээ амнаас би хүртье

Чимээгүй минийхээ хүслийг биелүүлээрэй

Уянгын хөгжмийн хөг аясаар 

Өмнө чинь би хөдлөн бүжиглье

Чимээгүй намайгаан хантлаа ажаарай

Улам чинийхээ хүслийг бадрааж

Ууж байгаа дарсанд чинь 

хамтдаа согтьё

Биеийг минь барьсан чисс улаан даашинзны цаадхыг

Нүдээ анин нүцгэнээр минь нэг төсөөлээрэй

Уур амьсгал хоёр улам давхцаж

Нэгэнт чи минь ухаангүй болжээ 

Зүрх сэтгэл хоёр улам лугшиж 

Хүлгийн жолоо нэгэнт алдагджээ 

Үгүй хайрт минь түр азна

Үтэр түргэн битгий яар

Үнсэлтийн чинь амтыг хараахан мэдрээгүй байна би

Хүлээ хайрт минь хүлээ

Чинийхээ өмнө нүгэлтэн болж 

Чармай нүцгэн биеийг минь эхлээд хар 

Нууцханаар минь одоо хөгжим тоглож 

Нялуун хөгөөр чамайгаан өдье 

Одоо хайрт минь яг одоо энэ хөгжмийг хамт тоглоцгооё

Харин чи минь надтайгаан тоглоход бэлэн үү? 

Улаанбаатар хот 2018.03.19

Өнөөдөр ижийгээ хачин ихээр санаж байна
Санан санан бэтгэрсэн энэхэн сэтгэлээ
Ижийн уяахан дуугаар тайтгаруулж
Бүлээхэн нулимс минь бөн бөн хацар даган урсаж байна
Өнөөдөр таныгаан хачин ихээр санаж байна
Хүндхэн санаа алдан таныгаан бодон байна бүүвэй бүүвэй
Үе үехэн таныхаан энгэрт
Нялхаран нялхаран эрхлэн
Хантлаа дахин дахин үнэрлүүлэхсэндээ
Халуун дулаан энгэр тань тэврүүлэхсэндээ хурай хурай
Тэр мөчид би дэлхийн хамгийн жаргалтай бүсгүй болноо хурай хурай

11.03.2017  Улаанбаатар хот

 

Толгой дээр минь түмэн бодлын мод ургажээ

нэг салаа мөчирт өдөрт хэдэн мянган шар навч дэлбээлнэ

Үй түмэн навчханууд дотроос тэс өөр өнгө хааяхан нэг гарна

Өнгө өнгө нь миний сэтгэлийн өнгө 

Ногоон өнгө нь аз жаргал минь 

Улаан өнгө хүсэл тачаал

Тэр дундаас хүрэн улаан навч байх аваас 

тэр нь уур хилэнг минь билэгдэх болно

Гуниж гутрах аваас навч минь тэр дороо шаргал болон гандна

Харин нүднээс минь сувд гарахад 

шар навчхан минь тээр доор найган унана

Ай хөөрхий бодлын мод минь чи яасан их навчтай болоо вэ? 

Дахиад нэг навч ургажээ...дахиад нэг

             Улаан бас шар....

2018.01.14 Улаанбаатар хот

 


Өөртөө бичсэн шүлэг

Турьхан мөрхөн чи бидэн хоёрт
Туулах зам тунч урт байна даа
Хуруухан чинээ үрээ үүрээд би явна даа
Өчигдрийг тэнд нь үдэж орхиод
Өөдөөс чинь би алхаж явна ирээдүй минь
Хааяхан чимээгүй мигших өдөр  өнгөрнө бас ирнэ
Хэлээ тас зуугаад тэгэх тусам нь сөрнө 
Санаа алдах гунихрах өдрүүд өнгөрсөөр бас өнгөрнө
Итгэл, инээмсэглэлээр түүнийг давна
Амьдрал нэгэн хэвийн үргэлжлэхгүй болохоор
Аяа сайхан амьдрал минь, үр бидэн хоёр нь тун удахгүй очно хараарай.

 бичсэн 2016.06.03  Берлин хот

Ich bin an der Ostsee
und fühl mich kalt und leer
wie das blaue Meer
Du bist so schön und frei
So will ich auch sein
Du bist nicht mehr da
es ist mir schon klar
Ein Mann der mich liebte
ging ganz weit weg und fort
Es ist still hier und schwer
Vielleicht bist du irgendwo in einen Dorf.
wenn ich dich Wiedersehen
Werde ich  nicht die selbe sein
wie ich früher war.